Thursday, March 3, 2011

Одоогоос 20 оод жилийн өмнө Ичинхорлоо минь надад зориулан ийм шүлэг бичиж байсан юм. Харин өнөөдөр уншихнээ би өөрөө ч тэр, Ичин ч тэр ерөөсөө өөрчлөгдөөгүй яг хэвээрээ л юм шиг санагдах юм. Хэзээний л ийм хүүхдүүд байсан, хүүхнүүд болж, одоо ээжүүд эхнэрүүд болж дээ. Тун удахгүй төрсөн өдөр нь болох гэж байгаа Ичин чамдаа төрсөн өдрийн мэнд хүргээд аз жаргал хамгийн сайн сайхныг хүсье. Чиний байхгүй Монгол оронд уйдаж үхлээ.



Сараад зориулав. \1995 оны хавар УБИС-н хонхны баяр дээр уншиж өгсөн билээ надад\

Эндэхийн цэцэрлэгт гургалдайн дуу цөөрсөн
Эргэж ирэхгүй хүүхэд зан минь холдсон
Хуучнаас үлдсэн юм юу вэ гэж
Хуруу даран бодлогшрох болсон
Ад үзэж тайруулаагүй шигүүн хар гэзэг
Алмай жаахан Сараа хоёр л үлдэж дээ
Цээжин дахь хайр хуучин гутал шиг халагдсан байтал
Цэцэрхэгч Сараагийн гэнэн муйхар нь яг л хэвээрээ
Арвайн гудамжинд бороон дор уншсан шүлэг мартагдсан
Атгасан гарын дулаан илчийг ч бас мартсан
Чиггүй орчлон хуурч гомдоож цөхрүүлэвч
Чиний инээд өнөөх л гуниггүй янзаараа
Дэвэрч хөөрч чамд дандаа загнуулдаг
Дэргэд чинь давитаргүйтээд чамаас жаахан айдаг
Он жил биднийг нэгэнт салгахгүй хойно
Одоо үхлийг хамтдаа хүлээхээс өөр аргагүй болж дээ

5 Comments:

  1. Anonymous said...
    энэ Ичинхорлоо нь нээрээ ор сураггүй алга болсон нь үнэн юм шиг байна kkkk
    Anonymous said...
    Арвайхээрийн гэрэлт ногоон толгод дунд
    Арвантавтын гунигаа нуваалцаж суусан анд минь
    Хөндүүр нимгэн зүрхэнд нулимс бүү цалгиа
    Хүний газар яваа андыгаа битгий уйлуул
    Сансрын салхины үзүүрээс сураг дуулсан анд чинь
    Сарын сайныг хүлээлгүй дэгэж нисчих гээд байна
    Орчлонгоор дүүрэн саналаа гэж зарлачихаад
    Очсоны дараа чи үглээл эхлэнэ шүү дээ...
    Сарантуяа said...
    Үглэж зэмлэхгүйгээ амлаж байна
    Зүгээр л хүрээд ир
    Үүнээс хойш харин чи намайг загна
    Зүгээр л хүрээд ир
    Сарын сайныг хүлээгээрэй
    Дэргэж нисэхэд хүйтэн байна
    Саналаа гэж ахиж бичихгүй ээ
    Дэврүүн занг чинь мартсан байна
    Арвайн салхинд дахиад нэг алхмаар байна
    Алмайрч манарч явахдаа олон зүйлийг мартсан байна
    Сарантуяа said...
    Ингээд л Ичин алга болчихдог юм
    Бондууш said...
    bishirmeer shuu ene urlagiin humuus

Post a Comment